الكاتب MoSaB | التعليقات : (0)
التصنيفات : أوراق مبعثرة
【 مااااااا نسيتك 】

جاء على بالي ( نسيتك ) !!
يوم جيت ومـا ( لقيتك ) !!
آثرني :- لا زلت اعيشك ( ح ـلم فـ عيون امنياتي ) ,
يا بقايا الذكريات .. يـ الشتات ,
يـ السنين اللي غدت مني فوات ,
وش بقى ! .. والـ ع ـمر من دونك ضياع ,
وش بقى ! .. والا وش اللي ما بقى !
آصعب ( الوقفات ) .. 【 وقفات الوداع 】 ,
وآصعب ( اللحظات ) .. 【 لحظات الرحيل 】 ,
لا !
والأصعب من وداعك ,
وآصعب آصعب من رحيلك , أقرء المزيد
الكاتب MoSaB | التعليقات : (0)
التصنيفات : ذكرياتي
بعد ما يقارب السنتين من اعتماد موضوع الاول عن وادي الذكريات تفرغت الان لكتابة الجزء الثاني ..
اذكر اني كتب في نهاية الجزء الاول اني كنت ابي اوصل لشي معين .. امممم نسيتة ..
لكن ان شاء الله مع رفع الصور اتذكر وش كنت ابي اوصل لة ..
نبدا بالجزء الثاني :
وجانا مطر ..
في بدايات 2010 جانا مطر فوي على الرياض
مطر غرق شوارع وانفاق الرياض وانواع السواليف
اذكر ذاك اليوم انحجرت بشمال الرياض اكثر المناطق المتضررة من المطر ولا امداني ارجع لبيتنا بالغرب .. بش الانفس وصلت لطريق الوادي من جهة امتداد طريق الملك عبدالله الا الدوريات مقفلينة ..!
المدخل الثاني جهة امتداد شارع عبدالله بن حذافة السهمي .. مقفلينة ..
مابقى الا المدخل اللي حول قصر الامير عبدالعزيز بن فهد الا والقاة مفتوح .. بكمل لبيتنا .. الامور طيبة والوادي فية مجرى سيل ماااشي
الين وصلت منطقة الا العالم يديورون .. الوادي غرق ..!
واطلع من الوادي .. وامرة بعد يومين والتقط بعض الصور
هذي صورة الوادي من تحت الجسر مليان موية ..

أقرء المزيد
الكاتب MoSaB | التعليقات : (0)
التصنيفات : ذكرياتي, علم وتكنلوجيا
Gowalla
Goodbye my lover
Goodbye my best App
You have been the best
You have been the best App for me
كتبت تدوينة سابقة عن قوالاً .. وانة سيتوقف العمل بة مع بداية 2012

توفي امس 2012/3/11 صديقي الكنغر قوالا .. بعد اقل من 3 اشهر من شراء سيئ الذكر الفيس بوك لكافة حقوقة ..
ظهرت رسالة لكافة المستخدمين بذلك وانة سيتكن تحميل كافة ذكرياتكم واماكنكم وصوركم معة قريباً حال الانتهاء منها ..
اذا قالوا لك رب اخ الكتروني لك لم تلدة امك .. تراة قوالا بالنسبة لي , فعلاً افتقدة اكثر من اي برنامج آخر ..
اذكر اول مابدا .. وكنت ايقونتة عادية … اعتبرها مرحلة طفولتة ..
ثم صار لة تحديث رائع جداً وتغيرت الايقونة وصرت تقدر تضيف فية الصورة للمكان وتحط الكلام اللي تبي مرة وحدة وينشرون برابط واحد ع التويتر والفيس بوك .. اعتبرتها مرحلة ريعان شبابة
ثم صار اسخف تحديث في العالم تغير بعدها قوالا تغيراً جذرياً صار نظام قصص وما تدري يحتك بالفيس بوك ولا كيف ؟ لاهة غراب ولا هو حمامة … لاهو قوالاً اللي نعرفة ولا هو فيس بوك اخر … اعتبرها مرحلة التقاعد لة وعجزة واشارة لقرب وفاتة ..
بعد ذلك .. شرا حقوقة سيئ الذكر الفيس بوك ..
امس 2012/3/11 تم نشر نعي قوالاً .. اصبح كنغراً عجوزاً وكتب وصيتة ورحل في سلام ..
Gowalla. It was a pleasure to journey with you around the world. Download your check-ins, photos and lists here soon
كانت وصيتة رائعة .. ان كل من سبق وجرب قوالاً او استخدمة سيحصل على شيئ ما ..
اذا كنت مستخدماً لقوالا تابع موقعهم وانتظرهم ..
هنا