تصنيفات

اخر ما كتبت

مدونات

مواقع ومنتديات

منوعات

ارشيفي القديم

العالم قرية صغيرة -2-

في يوم الاربعاء الماضي 1433/3/2 حضرت زواج صديقي الصامت (حرك تبلش) عبد العزيز الصـفـحي اسئل الله الكريم ان يسعدة ويوفقة وان يبارك لة ويبارك علية ويجمع بينهم في خير ..

شي عادي صح ..! << طيب لية تكتب !

الشي اللي موب عادي في ذاك كان ويكند الزواجات العالمي ..

الاربعاء عبدالعزيز الصفحي في الدمام

الخميس بنت خالي في جدة

الجمعة طارق الشاهلي في الرياض

وكنت محتاااار نظراً لبعد جدة .. كنت حاجز طيارة قبلها فترة كافية الين دريت عن زواج صديقي الصدوق عبدالعزيز ..

طبعاً تقريباً كل شي اكتبة بتويتر ..

ارسل لي اخوي مع من بترح الشرقية ؟

قلت له : هونت منيب رايح

قال ليش؟

قلت بروح جدة من يوم الثلوث ..

وبعد ساعتين .. جا في بالي .. لحظة وش يبي اخوي يوم يسألني عن الشرقية؟؟

واقول لة : وش كنت تبي من الشرقية !

قال : ابد .. زواج عبد العزيز !!

فاصل قصير ..


طن ترلم لم .. طن طن ..


عودة بعد الفاصل …


قلت لة عبد العزيز الصفحي؟


قال اية ..

واسألة وشلون تعرفة ومدري وش ..

طبعاً انا اعرف عبد العزيز عن طريق النت العظيم من عام 2007 وسافرانا مع بعض واجد وجمعتنا ايام جميلة كثيرة ..

المهم انة طلع في فترة ما درس مع اخوي وطبق معة في مكان واحد ..

وعبد العزيز هو اللي شاف اخوي وقال انت انت انت انت اخو مصعب صح !


اشياء جميلة تحدث في عالمنا يارجل …


طبعاً ارسلت لعبدالله الحبيب بطل الجزء الاول من ( العالم قرية صغيرة  ) … وحصل اتصال بعدها وعلمتة بالسالفة …

وانا بالطريق ارسلت لمحمد البيشي السالفة .. ورد علي ( العالم قرية صغيرة :) )

اقول لكم صدفة ثانية بعد ..

زواج عبد العزيز الاربعاء في الدمام قابلت فية اخوانة << شي طبيعي

زواج طارق الشاهلي في الرياض قابلت واحد من اخوان عبد العزيز !! << طلع طارق يقرب لهم !

فاصل ثاني

طن ترلم لم .. طن طن ..



المهم .. فتشوا عن علاقاتكم … مالهم داعي بكرة تطاق مع واحد حادك في الشارع بسيارتة ويطلع اخو صديقك الصدوق!!

Be Sociable, Share!

التعليقات


اسم المعلق: مجهول
6 فبراير 2012, 3:01 م

من جد والله ضروري الشخص يفتش في علاقاته حتى لايتفاجأ بيوم من الايام
متابع لك..


اسم المعلق: http://ياسرالشمراني.السعودية
6 مارس 2012, 1:52 ص

اي والله الناس للناس والكل بالله .. الاّ يا ما أحسن الصدف :mrgreen:

اكتب تعليق:





:wink: :-| :-x :twisted: :) 8-O :( :roll: :-P :oops: :-o :mrgreen: :lol: :idea: :-D :evil: :cry: 8) :arrow: :-? :?: :!: