تصنيفات

اخر ما كتبت

مدونات

مواقع ومنتديات

منوعات

ارشيفي القديم

a New Mac User

اخيراً ،، واحد من اخوياي بل من اعز اخوياي اشترى ماك !!

في تاريخ ١٣-٠١-٢٠٠٩ يوم الاربعاء كنت مع صديقي سعود من بعد العشاء وكان توة جاي من سفر وتعبان وكان متشقق من الفرحة لة مايقارب ١٠ ايام قبلها كل يومين سؤال عن الماك ، ابي اطلق جهاز ، ابي كيبورد ينور ، ابي اسرع واحد ، ابي احلاهم شكل ، ابي شاشةمثل شاشتك ١٣.٣ ، ابي محد عندة مثلي. ماشاء الله عليك ياسعود .. تعجبني فيك انك تطبق هالمقولة : اصنع لنفسك عالمك الخاص ، طريقك الخاص .. وهالمقولة : عش متميز ولا رح قشر بصل زي باقي العالم خخخخ

المهم ،، وقع الاختيار على ماك بوك الجديد الالمنيوم ٢.٤ جهاز عجب سعود يوم ارسلت لة صورة مبدئياً ،، ويم شافة ع الطبيعة وقع في حبة وغرامة خخخخ دورت لة عن افضل عرض وافضل سعر .. لقيت افضل وافضل ضمان وطابعة هدية :)

شرينا الجهاز وشغلناة بالمحل وكالعادة سعود فاشل في الحساب خخخ خذيت الفلوس وحاسبت عنة <<< قلت لكم متشقق من الفرحة ونسى كل شي .. حتى من فرحتة قلب علي وعلي جهازى ماك بوك الاسود !! قام يتريق علية .. ذب جهازك ، ييييع جهازك مافية Back light ، جهازك ثقيييل .. طيب ياسعود .. الايام بيننا ان شاء الله وتشوف معي MacBook Air وصدقني خخخخخ اخليك تكسر جهازك هع هع ..

بعد ماشغلناة في المحل ،، عطينا سعود جرعة اساسية من كيفية التعامل مع المحبوب الجديد .. وبصراحة حركة الكيبورد اللي فية تجنن !! تكبير النصوص وتدوير الصور بأصابعك باللمس !! تخلي الواحد يحب جهازة صدق ..

(( تجيب سيرة سعود .. يجيك يدق )) خخخخ توة دق علي سعود وجتني نصبة ماشية مليون !!! يقول تصدق يا مصعب عندنا ثلج !! انا طلع فوق راسي الشيطان الاحمر اللي في يدة شوكة يقول فكك منة نصاااب خخخخ حتى الشيطان يقولي تراة ينصب عليك … لا ويقول اصبرلي شوي بجمع منة وبسوي ذاك اللي يسونة الاوروبيين خخخخخ اما بتسوي رجل الثلج … المهم انا عندي خيارين يا اصدق واجامل يا اقول معلييييش صح انك صديقي بس معلييييش … اخترت الاخيرة وقلت لة معليييييش قال اي والله ما فية ثلج بس فية سحابة تروع خخخخ …

في النهاية والاخير من هالموقع اهنى سعود على حسن اختيارة .. ومثل ما قلت لك ياسعود .. خذ الامر ببساطة .. اذا حبيت الشى بتبدع فية لو انة صعب ، واذا ماحبيتة ما راح تسوية لو انة اسهل من التنفس ..

ودام فية واحد حمسنى وشرا ماك ،، مع اني توقعت ان محمد البيشي بيكون اسرع واحد بيشتري بعد .. لكن كلن وظروفة .. يسرني ان اعود لأول موضوع عن الماك واحدثة لعيون سعود واي واحد بيشتري ماك بتلاقون فية معلومات مفيدة واختصارات واهم البرامج ..


تحياتي للجميع .. ولمستخدمي ماك خصوصا ;)


Be Sociable, Share!

التعليقات


اسم المعلق: King
19 يناير 2009, 2:52 ص

ماشاء الله عليه إختيار موفق ومميز

الله يهنيه بالجهاز

صراجه جهاز ماك غني عن التعريف وفيه أشياء اتحدى ويندوز الغبيه تسويها أو تفكر تسويها :)

———-

عقبالك يامصعب تشتري لك احسن جهاز وأفضلهم وأطلقهم وتصير مميز وفريد من نوعك

بالتوفيق ;)


اسم المعلق: sinful eye’s
20 يناير 2009, 1:04 ص

تعلمت على الويندوز و صرت حريف فيه … عرفت انه ابو كلب و اي كلام
شفت قدامي خيارين … اما الماك … اما اللينكس
اسرع حل كان اللنكس .. تطلب السيدي و يرسلونه لك مجانا !
شعار اللنكس ( كل شي بالمجان )
كل برامجه مجانيه … كل شي فيه مجاني … لا يوجد شي اسمه فايروس !
يصك على الماك و الوندوز من ناحية السرعه
ينافس الماك من ناحية الديزاين .. و يمكن احسن منه من ناحية المؤثرات !

الماك … عالم جميل … لمن يراه جميلا !!
صار الماك هبه … ما بقى واحد بالكويت ما اشتراه .. صرت اشوفه بيد الكل !
حاليا .. جهازي عليه لينكس و ماك ليبورد … الماك صار له بالضبط 12 يوم نازل .. ما شغلته لين اللحين .. لحد اللحين ما قربت صوبه
راح اجربه بالكم يوم الجايين و اعطيك رأي فيه … يمكن يعجبني و اخذه مع العرض اللي عندنا ( ايبود تاتش هديه ) و ارسل لك الهديه ^__^


اسم المعلق: MoSaB
20 يناير 2009, 1:06 ص

اووووكييييية انا في انتظار الهدية على احر من الجمر ..


اسم المعلق: mkms
30 يناير 2009, 3:38 م

آآآآآآآآآآآآآآآآآخـ .. يالماك متى يجي بس ..,

ومتى تخلص الاختبارات وتطلع نتايج القياس واطلع الرخصه واِركـــ…… الخ

الله يهنيك بالماك وعقبالي ..

اكتب تعليق:





:wink: :-| :-x :twisted: :) 8-O :( :roll: :-P :oops: :-o :mrgreen: :lol: :idea: :-D :evil: :cry: 8) :arrow: :-? :?: :!: