تصنيفات

اخر ما كتبت

مدونات

مواقع ومنتديات

منوعات

ارشيفي القديم

وعد اكسيوم ،، وعد النصب !!

 

بلا اكسيوم بلا وجع راس !

بلا اكسيوم بلا وجع راس !

 

 

اكسيوم ،، والنصب ..

اكسيوم والاسعار المرتفعة !

اكسيوم والصيانة السيئة ،، 

اكسيوم وسالفة ان ماعندهم سالفة !!

تذكرون اكسيوم من اول ما جت السوق ؟؟ تذكرون وعودهم ؟

ضمان شامل ٥ سنوات قطع الغيار وشغل اليد ! ثم تحول سنة قطع غيار و٤ سنوات شغل يد ! ثم استمر فترة ضمان ٣ سنوات والحين من بداية ٢٠٠٩ الضمان كلة على بعضة لمدة سنة فقط !!

الصيانة السيئة والتصريف البايخ ،، اذا ما عرفوا يصلحون جهازك قالو فية آثار رطوبة !! غير كذا تخلي الجهاز عندهم فترة طويلة عشان يسون سوفت وير ،،!  ولو كان في قطعة خربانة الله يعينك على الاسبوعين اللي تتحرا اتصالهم ولا راح يتصلون عليك ،، الين ما تمر بالصدفة ويقولون اييية جهازك مخلص !! وتسأل الجدار طيب ليش ما اتصلتوا ؟؟؟ ولا تسمع تصريفتة ،،

الله يقطعهم واسعارهم الغالية والمباالغ فيها اعلى من سعر السوق من ٢٠٠ الى ٣٠٠ ريال رح فرع اكسيوم في جرير العليا تشوف X1 بقيمة ٢٩٠٠ وروح المرسلات تلاقية ضمان اكسيوم بـ ٢٧٠٠ وليه هالفرق طيب ؟

نظام الاستبدال الموجود في اكسيوم مكتبة جرير ،، رحت لهم ابي استبدل C905 وكان سعرة عندهم ٣٠٠٠ ريال ، نظام الاستبدال عندهم انة لازم ينزل سعر C905ثم يستبدلونة ،، المهم نزل سعرة مع بداية ٢٠٠٩ اظنة صار بـ ٢٧٠٠ قلت هذا سعرة نزل عندكم وهذا جهازي كالجديد بكامل الاغراض وكرتونة وضمانة اكسيوم بكم تاخذونة وابي استبدلة بـ X1 تدرون وش قال .. ماهمنا ضمان الجهاز ولا حالة الجهاز ،، بتجينا اسعار من الشركة ونمشي عليها .. تدرون بكم قال جهازي ؟؟؟ قال ١١٠٠ ريال !!! ١١٠٠ ريال الله يحرق شركتك وقيمتة عندكم ٢٧٠٠ ريال !! فرق جامد !! رحت المرسلات وبعتة هناك جاب لي ١٧٠٠ ،،،

اكسيوم وسالفة ان ماعندهم سالفة .. في التحلية بالرياض في محل آي تيكيا ،،، فية فرع لأكسيوم ،،، بالله عليكم اللي فاضي روحوا شوفوا اليمني اللي يشتغل فية ،، واحد مالة امة دخل في الحياة ،، كان سمكري سيارات وفجأة حطوة بأكسيوم ،،، اقول لة C905 مافية كاميرا فيديو امامية ،، الا يقول موجودة ويأشر لي على حساس اضائة الشاشة !! اقولة طيب شغلها ،،، يقول ما اعرف !!! وهذا بقية الحال مع اغلب موظفي اكسيوم ، يحطون موظفين يعرفون يتكلمون عشان تدفع لكن تسأل وش المواصفات ؟؟؟ ماادري !!

طيب والحل معهم ؟؟

الحل عشان ياكلون هوا ،، لا تشتر منهم ،، اشتر من الوكيل مباشر ، نوكيها ولها وكيلها القديم والمعروف مشاعل الخليج ومتخصصين في صيانة نوكيا 

سوني اريكسون لها وكيلها الاكترونية الحديثة ( الفيصلية ) متخصص بالسوني وصيانتة واسعارة مرة معقول ،،

في النهاية ،، مجرد تنوية ،، اللي معة سوني اريكسون هو اللي يخصة الموضوع :) 

Be Sociable, Share!

التعليقات


اسم المعلق: sinful eye’s
16 فبراير 2009, 3:52 م

thank god am in kuwait
and it’s like 3000 rs here in kuwait with another phone as a gift
the other phone is around 500 rs … and it useful for using while going to places where you won’t need X1

sorry for the english … but am having problem with the computer


اسم المعلق: King
17 فبراير 2009, 1:08 ص

والله معليش اكسيوم فاشله من زمان , أذكر ان اسعارهم غالية من وقت طويل , والشيء إلى يقهر انه ماخذ سمعه كويسه بس

ولا هو أخيس وكيل وصيانتهم ماتنفع

( اتكلم عن واقع تجربه )


اسم المعلق: ReSHo Eilvs
22 فبراير 2009, 8:28 م

هههههههههههههههه
هلكني من الضحك ابو يمن و تأشيرته على الكامير (( لـ السنسر لايت))
ههههههههه
والله بصراحة من جد يقهر و الي يقهرني اكثر اذا جوك ناس غشيمين يشوفوا الجهاز الي يبوه مثلا بـ 1500 ضمان فيصلية و 2000 ريال ضمان اكسيوم
تقول له ليش ما اخذت ضمان فيصلية ارخص لك
يقول لالالا اكسيوم ضمانهم احسن و أصلي <— ركز فيها هع هع
و و و و الخ
و اصلا السالفة كلها نصب في نصب و عيني عينك

وفي مره من المراات ابن عمي كان عنده G900 ضمان اكسيوم
وكان فيه خلل بان شاشته اللمس ما تشتغل
طيب راح لهم و قالوا له احتمال كبير نعوضك بجهاز جديد بداله للأن خلل جهازك مصنعي
و بعدها لو تشوفه بتسامته شاقه وجهه في المحل قام يناقز من الفرحة على شان بعوضوه جهاز جديد هع هع هع هع
و ثلاث اسابيع بالضبط قالوا له تعال و خذ جوالك صلحناه لكن لا تستغرب اذا اخترب مره ثانيه للان داخله مويه خخخخخ
^^^
مهبولين هما يعطوك جهاز جديد خخخخ

و الله بصراحة انا شريت من عندهم جهاز w880i من قبل سنتين

و توه مخترب مدري شفيه اذا جيت اكلم يطلع مثل كأنه ما فيه ارسال مدري شسالفته و الحـالة شتى و لا لي نفس اروح اوديه الضمان للأني غـسلت ايدي من حاجة اسمها سوني اريكسون بعد النوكيا

*_^


اسم المعلق: MoSaB
17 مارس 2009, 10:26 م

المزيد عن اكسيوم :

http://www.se4m.com/forums/t12956.html


اسم المعلق: smoothy
5 أبريل 2010, 4:30 م

حسبي الله ونعم الوكيل على اكبر شركة نصب واحتيال اكسيوم الحقيرة الله ينفيها من الوجود

شريت منهم ايفون ثري جي اس ١٦ قيقا ب ٣٨٠٠ ريال وفي الاخير والله من اول ما شريته من جدته وهو في علة ورحت اصلحه من يومه وهو توه جديد …وبعد فترة خرب الجهاز لخلل في السيستم حقهم خراب نهائي ورحت للصيانة الزفت حقتهم في حي العليا والموظف الله لا يوفقه قاعد يماطل بي اللين قفل جواله بعد ما عرف ان لا حول لي ولا قوة اقدر اطالب حقي بيدي …الله يعوض علي وحسبي الله ونعم الوكيل

تحذير لكل من ينوي يشتري جهاز جديد لا ولا تفكرون تشترون من اكبر نصابين ومحتالين في العالم قاعدين يلهفون فلوس الناس بالباطل “اكسيوم” الله ينتقم لنا منهم وهو السميع العليم والله يعوضني ويعوض كل مظلوم منصوب عليه


اسم المعلق: noone
26 أكتوبر 2010, 2:36 م

من جججججد ابو النصب اللي يعرفونه

اجل بلاك بيري كيرف 8900 يبيعونه بـ 1400 وهو برا بــ 1200

لا وصديقتي ماخذه من عندهم ماجلس عندها اسبوع الا والكوره خربانه

مالت عليهم وعلى ضمانهم المخيس :wink:


اسم المعلق: سووم
22 يوليو 2013, 8:18 ص

اما وانا امس رحت لاكسيوم الجوال خرب وقلت اصلحه عندهم بعدين قالو ماراح يشتغل الجهاز مره وقالو بيبدلونه لي بجهاز جديد اذا نزلت بضاعتهم وخايفهه يماطلوون فياا ويتاخرون :( :-?

اكتب تعليق:





:wink: :-| :-x :twisted: :) 8-O :( :roll: :-P :oops: :-o :mrgreen: :lol: :idea: :-D :evil: :cry: 8) :arrow: :-? :?: :!: