تصنيفات

اخر ما كتبت

مدونات

مواقع ومنتديات

منوعات

ارشيفي القديم

وعندي امل انة ،، اذا غاب بيعود ،، متى يعود وترجع الابتسامة ،،

 

 

متى يعود وترجع الابتسامة ؟ الصبر مهما طال له وقت وحدود ،، عندي عتاب ودمعتين وملامة ،، وعندي امل انة اذا غاب بيعود ..

متى يعود وترجع الابتسامة ؟ الصبر مهما طال له وقت وحدود ،، عندي عتاب ودمعتين وملامة ،، وعندي امل انة اذا غاب بيعود ..

 

يوم الاثنين الماضي ١٦-٢-٢٠٠٩ قابلت واحد اخر مرة قابلتة في عام ١٩٩٩ !!!

عشر سنوات ماشفتة ،، ويازين الصدفة ،،

السالفة ان ابو داحم خطط على تجمع بسيط وكان عند الكلية التقنية ،، المهم الا صراحة مدري وش اقول ،،قام ابو داحم يكلم بالتلفون يوصف لواحد ،، ووصل ذا الواحد وحنا اول مرة نشوفة ، حنا ٥ نعرف بعض وهو لحالة ،، وبصوت عالي وش ذا يبو داحم ماتعرف توصف ومدري ايش (حقين السويدي)،، المهم وسلم علينا وجا ابو داحم بيعرفنا علية ،، عبد الله السلوم – معاذ ، عبد الله السلوم -سلطان ، عبد الله السلوم – كوكو كورد ،،،،،،، المهم بعد فترج جلسنا ،، واسمة عبد الله السلوم وخاصية الـ Spotlight المكتسبة من الماكنتوش وهي خاصية بحث متطورة جداً اذا استخدمتوا الماك بتحبونها ،،، المهم مخي حط عبد الله السلوم وتم البحث في الملفات قبل ١٠ سنين والبحث والبحت وطلعت لي نتائج مهملة ونتائج متشابهة ونتائج مدمجة طلع لي بصيص امل ( عبد الله السلوم – سليمان الحميدي – عبد الرحمن(ديد) <<< كنا نسمية ديد لانة دب خخخخ ) وطلع لي في نتائج البحث انة فية نوتة قديمة << تذكرون النوتة اللي قبل ايام الجواك اللي كل واحد ايام الابتدائية والمتوسط يجيبها معة المدرسة ويقعد يتفاخر فيها انا عندي احلى انا شاريها ٥ انا وانا وانا وسواليف زمان !!! والمشكلة ما تلاقي فيها الا معلوماتة الشخصية ورقمين !!!المهم ان نتائج البحث طلعت لي مكان هالنوتة وان فيها رقم عبد الله السلوم !! عبد الله السلوم طلع صديقي القديم ايام كنت لاعب سباحة في نادي الهلال !!!! 

الحين بعد ما تيقنت انة هو ،، هل هو باقي يذكرني ولا لا ؟

قلت لأبو داحم اسئلة : انت كنت في نادي الهلال قبل ؟ واذا جاوبك اية اسئلة تعرف سليمان الحميدي ؟

المهم وسألة ،، وطلع فعلا انة كان في نادي الهلال ،، واي اسئلة انا تذكر الكبتن خالد ؟ تذكر ديد ؟ تذكر بيجو ؟ <<< خالد وديد وبيجو كلهم مدربين سباحة !!

طيب ما تذكرني كنت اسبح معك !! ااااه امممم هااااة … المهم اني كنت معك قبل ١٠ سنوات في ذاك المسبح وكان الباص يمرنا ويرجعنا ،،، وايام حلوووة ،، يوم كنا نزبن بعد التمرين ونروح الجاكوزي والبخار ويجي النشبة بيجو ويقفطنا ويقول ٥ دقيقة !!

المهم كانت ايام حلوة ،، ايام البرائة :) برائة ميييين !

المهم بعد كذا خذتنا السوالف ،، صارت الساعة ١٢ بالليل وانا وراي سفر اليوم اللي بعدة ،، توادعنا ولا خذيت رقمة !! ولا اي شي ،،

لكن فية حلقة وصل اسمة ابو داحم ،،

يله ،، زي ما رجع عبد الله السلوم ،،، 

كلي امل بروح نواف بن مقبل الشنان ،، وابراهيم بن سعيد العمري ،، الله يسمعني عنهم اخبار طيبة وانهم في احسن حال ،،

والله يرجع سعود العجمي لصديقي البط ،،، 

ويارب رجع كل حبيب لحبية ،، دام الحياة في بعدهم حيل صعبة ،، <<< عبد المجيد عبد الله ،،،

ا.هـ

Be Sociable, Share!

التعليقات


اسم المعلق: King
19 فبراير 2009, 1:14 ص

اجل إلي لابس نظارات ونحيف طلع صديقك القديم ! !

الله مستعااااااان , ويالها من صدفة

( اما الديد هذه حلوه صراحه خخخخخخخ )

صراحه شيء جميل جدا ً أن الواحد يقابل أصدقائه بعد مدة زمنيه طويلة دامت أكثر من 5 سنوات , وقد تغير الحال ! !

الله يديم الصداقة والمحبة بينكم , , , آمـين


اسم المعلق: ماجد
27 فبراير 2009, 7:29 م

اييييه .. آيام ,..

لقيت واحد قبل يومين .. واحد قديم ..
وامس واحد قديم بس اجدد من اللي قبل ..
ويا كثر القديمين .. ممكن تلقى واحد تعرفه بس تستحي توقف تسلم عليه .., مشكله ,.. !

” على طاري ماك .. وش ذالغباء فيهم .. اذا صارت الصفحه عريضه ما اقدر الف يسار “


اسم المعلق: عبقرينو
27 فبراير 2009, 10:32 م

آآآه ه يارب يامصعب (أفهمها)


اسم المعلق: عبقرينو
27 فبراير 2009, 10:33 م

الله إسامحك


اسم المعلق: قمر
9 مارس 2009, 10:55 م

ويارب رجع كل حبيب لحبية ،، دام الحياة في بعدهم حيل صعبة ،،
امين يارب
تسلم ايدك


اسم المعلق: محمد بن عبدالعزيز
15 مارس 2009, 7:35 م

بالله طلع صديقك.. ينعن ام الصدفه .. والله ياني سويت فيه مقلب اليييييييم بس مب مقلب هو اختبار وزين اللي نجح بالاختبار

الرجال شغال بالاتصالات وع السماعه وسألته عن عمي (وهو للحين مايعرف اسمي بس يعرف محمد بن عبدالعزيز) والرجال يقول ايه اعرفه والرجال كويس قلت له صح انه بثر وقلق وكلامه واجد وحتسيه واجد ومن هالحتسي الرجال يقول لا ونعم مافيه اي شي من لاي تقوله وانا اقول له اخبره زين وابي اعرف وشهو من لحيه يقول لا الرجال ونعم .. يوم خلص قلت له تراه عمي ..

طيب مب انصدم اقصد (انثدم) بالله عمك .. لالا مومصدق

المهم بعد ماركبنا لمبات اللكزس .. وهذي بداية المشوار ..

وبالتوفيق للجيمع


اسم المعلق: محمد
16 نوفمبر 2009, 8:55 م

سلآمـ

يازين الأخوياء او الأصدقاء إذا رجعوا لبعض او تلاقوا

ياشباب انا كنت ف نادي الهلال لاعب تنس طاوله قل اكثر من 6 سنوات

على ايام المشرف كان معه كرسيدا قراندي تخشيبه من داخل
ما اعرف اسمه هذا اللي اذكره من موتره ههههه

وعلى طاري المسبح حق نادي الهلال انا امر من جنبه تجيني حاله نفسيه لإني غرقت فيه وصرت اذا ابي الكافتيريا امر وانا اناظر يمين ما الف وجهي للمسبح


اسم المعلق: N E X T
24 يونيو 2010, 11:56 ص

دمعت عيني و انا اقرا الرد اللي فوقي ..

تذكرت ايام طفولتي يوم كنت اروح مع ابوي و اتفرج على اخواني و هم
يسبحون و يلعبون كوره في المسبح ، تذكرت عصير البرتقال الطازه اللي
يجيبه ابوي من الكافتيريا و يجلسني على الكرسي الي قدام المسبح و اشرب
و اتفرج عليهم :-D << اظنها كرسيين دوار طويله ان ما خانتني الذاكره
<< هذا ان ما غيروها

يا الله يا ربي تذكر ذيك الايام بالخير ..

[ ترى الذكرى و لو حلوه طواريها تهد الحيل ] << اي و الله تهد الحيل

اكتب تعليق:





:wink: :-| :-x :twisted: :) 8-O :( :roll: :-P :oops: :-o :mrgreen: :lol: :idea: :-D :evil: :cry: 8) :arrow: :-? :?: :!: