تصنيفات

اخر ما كتبت

مدونات

مواقع ومنتديات

منوعات

ارشيفي القديم

سواليفي مع الـ iPod’s !! شكراً سعود مرة اخرى ..

اول ايبود شريتة كان ٦٠ قيقا ،، وكنت من النوع اللي مايحب يتعلم برامج ابد ،، اشوفها مضيعة وقت هالتعلم واغلب وقتني قاعد مثل العفش لا شغلة ولا مشغلة !! 

رحت محل عشان يعبية اغاني الكلام هذا تقريباً قيب سنتين واكثر <<< ساقط في الوقت .. المهم اني رحت محل عشان يعبية اغاني وكنت اسمع عربي وخليجي واغاني هادئة اجنبية ، جبت خويي معي اسمة هاني المالكي ،، واحد غريب هادي وكيوت والمشكلة الكبيرة تفكيرة بعض الاحيان سقيم !! احلى اغانية حقت العبيد اللي كلها ( فكفكة ) خخخخ فهمتو قصدي .. المهم عشان يعرفهم قلت خلني اعبي من هالنوع لأن نص اخوياي جوهم خايس ويحبون هالاغاني اللي كلها سب !! المحل طلب ٣٠٠ ريال على هالشغلة !! اول ما طلع الايبود والناس ما تعرف شي قلت اوكي ،،

قررت فجأة اني اتعلم على برنامج الـ iTunes عشان لا اضطر كل شوي اروح ادفع مبلغ وقدرة عشان كم اغنية .. 

حملت البرنامج ، الشروحات يقولون كل شي سهل .. المهم اول ما تشبك الايبود ع الاب توب تجيك رسالة من الايتونز <<< بالعنجليزي وكنت ذيك الايام ميح !! المهم اني ضغطت OK !!!  تدرون وش صار ؟؟ 

الجهاز رجع بحالة الوكالة !! انمسح كل شي فية ،، طيب يلعن ام القهر اللي جاني !! قهر احباط توني مالي ٣ ايام مطلعة من المحل وحاط فية هالاغاني بـ ٣٠٠ وقفلت معي وقلت والله ما يقعد هالايبود معي ولا نص يوم وابيعة بأقل من سعرة بواجد <<< قفلت معي ،، 

قبل سنة وكم شهر ، احتجت ايبود وهارسك وكنت محتار وش اخذ ،، رسيت اخر شي وخذيت ايبود ٨٠ قيقا وتعلمت على الايتونز قبلها وكل شي تمام ،، ثم بعتة عشان السالفة تحت :)

الين قبل تقريباً ٥ اشهر ،، شريت افضل ايبود على الاطلاق وهو ايبود تتش ٣٢ قيقا الجيل الثاني جاي من امريكا علي اول ما نزل عندنا لكني خذيتة بـ ١٨٥٠ ريال بينما كان يباع هنا بـ ٢١٠٠ ريال وكنت محافظ علية انمااا اية ،، الين دخل في حياتي شخص رائع اسمة سعود واهداني جوالة الشخصي والسالفة مكتوبة بالموقع ، وقررت اهدية شي شخصي بعد ومالقيت غير الايبود واهديتة اياة وخلال هالوقت كنت ادور بديل عن الايبود التتش وطاحت عيني على الحب الصغير ايبود نانو ٨ قيقا الاسود الجيل الثالث <<< تراة شبة مخلص من الاسواق والشركة اوقفت صنعة ، المهم اني لقيت واحد عارضة في النت للبيع جديد بـ ٥٠٠ وسعر بالسوق كان حول ٦٩٩ ريال وعلى طول اخذتة ،، طبعاً ماقعد معي اسبوع الا وراح هالايبود المسكين ضحية تحدي فاشل مني والقصة بعد مكتوبة بالمدونة ،،

خلال اقل من اسبوعين بدون ايبود، معاذ زعل وقال بيبيع الايبود النانو حقة ٨ قيقا اسود نفس اللي كان معي مع وصلة ايبود السيارة وقال يبي فيهم ١٠٠٠ ريال ! وقال كلامة قدام مجموعة من اخوياي ،، قلت خلاص انا شريت ولا عطيت اي مجال لأي احد انة يخش في البيعة لان الحياة فرص !!

بعد فترة اقل من شهر ،، حصلت سالفة مكتمة عليها اعلامياً محد يدري عنها الا قليل من الشباب قبل طلعة الامارات اضطريت ابيع الايبود ،، وسويت سالفة مع اثنين من الحوطة خخخخخخ المشكلة انهم عيال عم مدري عيال جد المهم انهم يقربون لبعض ،، وبعتة وصار من نصب محمد بن عبد العزيز وهو نفسة اللي شرا ٨٠ قيقا .. 

قعدت طول الشهر الماضي بدون ايبود .. الحياة بايخة بدونة ،، صاير كنة اوكسجين !!

قبل امس كنت معزم خلاص اخذ لي ١٦ قيقا نانو الجيل الرابع .. لكن ،،

لكن ،، سبقني سعود ووقتة الحلو وجاء بالحب القديم هدية لي ،، جاب لي ايبود نانو ٨ قيقا الجيل الثالث ،، ماقصرت ياسعود ،، وقتك دايم حلوو واشكرك بعنف على الهدية الروعة ،،

لكن !! غريبة خخخخخخخ منت ملاحظ يا سعود ان اللون هالمرة (( بيض )) !!! هع هع 


 

Be Sociable, Share!

التعليقات


اسم المعلق: King
1 مارس 2009, 6:43 ص

خخخخخخخخخخخ

أهم شيء انه آي بود صحيح زي ماقلت ان لونه ( بيض ) بس وش تسوي , , ,

ههههههههههههااي

أعجبتني البيض هذه ;)

بس روق يامصعب لا تبيعه ولا تسوي فيه اي شيء

لأني أعتقد خلال الـ 5 شهور القادمة راح ينقطع الجيل الثالث خصوصا ً النانو لأن عليه طلب مو طبيعي

وبدأت ألاحظ عدم توفره في بعض المحلات والمراكز , , ,

اكتب تعليق:





:wink: :-| :-x :twisted: :) 8-O :( :roll: :-P :oops: :-o :mrgreen: :lol: :idea: :-D :evil: :cry: 8) :arrow: :-? :?: :!: