تصنيفات

اخر ما كتبت

مدونات

مواقع ومنتديات

منوعات

ارشيفي القديم

وش احط عنوان يا محمد ؟

فجأة على المسنجر .. يجيني رابط DHL ،،، وسؤال : وش اقرب فرع لك ؟؟

واخترت الفرع المناسب ..

واقعد اسئل لية وش السالفة وش بترسل ،، ولا جواب :) الا انة يذكرني بسالفة اللقافة واقول لة سالفة البعير اللي مات من اللقافة هع هع 

في يوم الجمعة الماضي جتني رسالة من DHL اني استلم الشحنة .. 

طبعاً ما كنت اعرف مكانهم بالضبط لكنة في السليمانية وبالضبط في شارع ابو بكر الرازي ،، لقيتة طبعاً الساعة ذاك الوقت ٣ قبل اذان العصر يوم الجمعة !! انا مستغرب انهم مداومين اصلا!! << داق عليهم .

وصلت ،، واخذت الشحنة وكالعادة ،، في السيارة على طووووول .. فكيتها .. يازينها من هدية ،، كنك قاري افكاري يا محمد ،، نفس الهدية هذي كنت افكر اهديها لقروب الامارات :) انت يا محمد واسامة وعبد الله .. لكن سبحان الله على قدر نياتكم ترزقون :) وكنك قاري افكاري وسبقتني فيها واظنك ارسلتها للجميع لأني شايف بيرسونال اسامة كنة يشكرك على هدية ما ،، 

انت لا تنسى وانت الاول في القلب بهدية ولا بدون هدية <<< هذا تفسير الـ sms :)،،

صدق ان الهدية تذكرك بأيام حلوة .. ولحظات حلوة .. وتظل للأبد ،،

اما الكلام اللي في الكرت ،، هذا هدية ثانية اهم واغلى من نفس الهدية :)

مدري الكلام المكتوب،، ماذكرك بفلم Taken ؟؟ وهو يتكلم مع خاطف ابنتة ؟؟ 

Be Sociable, Share!

التعليقات


اسم المعلق: K ! N G
30 مارس 2009, 4:28 م

الله يحفظك يامحـمد ويوفقك بالدنيا وبالآخرة , , آمـين

انا لو عندي مبلغ وقدره . . . . . ريال

كان شفت إلي يسرك :)

الأيام بيننا . . . . .

أشكرك يامصعب على رسالتك هذه ;)


اسم المعلق: B Unique
11 مايو 2009, 8:02 م

وش احط عنوان يا محمد ؟

الموضوع كله ما كان له داعي يا مصعب تكفيني سعادتك واعجابك بالهدية واحمد الله على ذلك . ويشهد علي ربي لو كانت قيمة الهدية تعبر عن مدى غلاك عندي كان ما كفتني اموال اغنى اغنياء العالم . ادام الله المودة والمحبة والاخوة اللي بيننا حتى نترك هذه الدنيا الفانية ونجتمع في جنة الفردوس بإذنه تعالى << في كلامي هذا رد على الكنج معاذ ؛)

سبحان الله القلوب عند بعضها .. الهدية كانت في بالي من ايام رحلتنا الاولى للامارات بس الحالة النفسية الخايسة والظروف اللي عشتها ذيك الايام ألهتني عن الموضوع (لكني ما نسيته) والحمدلله اني سبقتك بها والاهم من هذا كله ان معناها اللي كنت اقصده وصلك .

اما ملاحظتك الاخيرة .. الله يرجك حسستني اني مجرم !! خخخخخخخ

برايفت :

قلة ردودي لا تعني انني لا اقرأ مواضيعك يا مصعب
ولكن لسانك العذب لا يترك مجالاً الى ان اقول كلمة بعدك .. فسامحنا

اكتب تعليق:





:wink: :-| :-x :twisted: :) 8-O :( :roll: :-P :oops: :-o :mrgreen: :lol: :idea: :-D :evil: :cry: 8) :arrow: :-? :?: :!: