تصنيفات

اخر ما كتبت

مدونات

مواقع ومنتديات

منوعات

ارشيفي القديم

ياليل المقالبـ .. وراحت علي وأكلتـ مقلبـ طعمة صابوني ..!

طلعات البر هاليومين في هالجو الخوقاقي كويسة :)

هذا البر والصحراء وشكل الرمل للي مايعرفة ..!

هذا البر والصحراء وشكل الرمل للي مايعرفة ..!

لاهو ذا الصيف اللي آخر الليل قبل اذان الفجر تحس انك بالظهر ولا هو ذاك الجو اللي الساعة ٢ الظهر كأنك ٢ في الليل في سيبيريا ، مالنا ومال المقدمات السوقية خخخ

كنت بالثمامة قبل ١٠ ايام تقريباً .. اطلق شي في القروب اللي اطلع معة يحبون الطبخ .. المهم كالعادة نروح جايعين والسواليف تطول ومتى نصلح العشا وكم يبيلة وقت ،،

طلعتنا الاخيرة (لدولة قريبة) مع القروب كان العشا طبخ من يد محمد البيشي << تسلم يدك يبو فيصل ، بس طووول مرة وهو يبطخ ، ماش الغاز حقهم موب صدقي .. كان جاب خضروات خيار وطماط وجزر ومن هالشغلات حقت الطبخ .. خلص القسم حق الطبخ الا شوي الشعب قالبين ارانب !! كل واحد معة جزرة و خش خش خش خش قاعد ياكل فيها من الجوع لين ما تيسرت واستوا الاكل ..

نرجع لسالفة الثمامة .. مع السواليف وطول الاكل ما استوا << جايبين الظاهر ٥ كيلو حاشي وابطت في الطبخ ، وجعنا ،، باقي ٤ طماطم ، ونظرات الغدر تتجة اليها .. تم التقطيع . .حطيناها بالصحن .. الا شوي قال محمد وين الملح ؟؟ يبي يرش على الطماطم ملح .. كنت على الصحن انا ومعاذ وسلطان ومحمد بن عبد العزيز راح يجيب الملح .. تعرفون نظام البر .. محمد قام للسيارة وكان هو اللي شاري الملح .. رماة على معاذ ومعاذ بكل بساطة فك الملح ورش على الصحن موب على الطماط ..! بكل بساطة خذيت طماطة ومررتها على الملح وعلى فمي ،،!! ياعيال ،، فية طعم صابون ..!!

اللعين محمد ما جاب الملح ،، جاب علبة الملح الثانية << نظام البر ينص على : وضع التايد في نفس علبة الملح ..!

واطلع الطماطة من فمي واتمضمض بموية واتمضمض بشاهي ماعاد بقى الا اتمضمض بتراب عشان يروح طعمة السقيم .. طعم تايد في فمي يييييع ..!

طبعاً ضحكوا علي لليل .. لكن ،، مردودة ان شاء الله ..

محمد يقول يوم قمت اجيب الملح ،، اذكر اني شارية وثقيل ، يوم حت اجيبة الا نص العلبة فاضية وعرفت انة تايد وقلت خل نشوف من اللي بيطيح بالمقلب … الجايع هو اللي طاح بالمقلب وما نقول الا ( الجوع كافر ) ..

طبعاً فية مقلب حصل الشتاء الماضي ،، كنت موجود وما كنت الضحية ولله الحمد ..

واحد مسوي هو اللي يعرف كل شي ، وصلح شاهي بالملح ..! والضحية شخص جديد تونا متعرفين علية ..! <<< كل القروب عن طريق النت !! واهنية على طعم الشاي بالملح ..!

Be Sociable, Share!

التعليقات


اسم المعلق: علي الصويلح
7 نوفمبر 2009, 2:25 م

هههههههههههههههههههههههههههههههههههههههههه


اسم المعلق: ياسر الشمراني
10 نوفمبر 2009, 10:12 م

آآآآآآآآآآآه ما أرق الثمامه تالي الليل ^-^


اسم المعلق: يامطنش
13 نوفمبر 2009, 8:02 م

والله ياضحكة عليك ضحك

وكنت متمني اني موجد

بس تاخرت عليكم


اسم المعلق: King
25 نوفمبر 2009, 4:26 م

خخخخخخخخخخ ,, أشوه اني مااكلتها ولا كان رحت غلطة :D

انا على نياتي احسبه ملح واعطيه لك ولا بعد كبيت ام الصابون بالصحن وعلى الطماط أحس اني بغسل صحون من كثر الصابون

الله يستر بالأيام الجاية وش راح يصير مقلب :)

اكتب تعليق:





:wink: :-| :-x :twisted: :) 8-O :( :roll: :-P :oops: :-o :mrgreen: :lol: :idea: :-D :evil: :cry: 8) :arrow: :-? :?: :!: