تصنيفات

اخر ما كتبت

مدونات

مواقع ومنتديات

منوعات

ارشيفي القديم

الشعب الظريف والمطر والبرودكاست (٢)

بعد السالفة الطويلة في الموضوع السابق (١) .. والتي خرجت فيها عن العنوان الرئيسي والقضية الرئيسية ..

اعود الان الى الموضوع الرئيسي ..

اثناء وبعد الامطار .. خاصة في الليل لما وصلت الاستراحة … كانت تجيني قوة برودكاستات ،.، كها تريقة على اللي صار من مصائب .. فعلاً الشعب ظرررريف ..

نبدا على طوووول ///

اغلب السوالف كانت على المناطق اللي غرقت .. الانفاق وبعض الشوارع ..

– عااجل / ادارة المرور تقيل الضابط ابو شرارة وتعين الكابتن نامق لتوجية المواطنين في شوارع الرياض !!

– عاااجل / هروب ٦٠ سمكة من مطاعم عمو حمزة !

– وجود سمكة قرش في مخرج ٥ !

– تم تغيير شعار المملكة من سيفين ونخلة الى مجدافين وسطل !

– ٥٠ ريال في الساعة .. تأجير جت سكي في فروعنا :

نفق الامام محمد بن سعود – نفق الملك فهد – نفق التخصصي !

– ارتفاع ايجارات الشقق المطلة على البحار في الرياض !

– احدى كاميرات ساهر تلقط دولفين ماشي ١٨٠ في احد شوارع الرياض !

– تعاعلاً مع احداث الرياض ، ادارة المرور تطلق نظام غاطس لرصد المركبات البحرية في الرياض ..!

– شباب في حوت في مخرج ٥ اللي يعرف اصحابة يدق عليهم لأنة قاعد يصيح !

– شباب حقين الرياض ، اوكي قالو اجازة لا تفلونها تروحون الشرقية .. ترا فية عرض دلافين بكرة بمخرج ١٢ !

– مع كل شالية ، فطور مجاني وعروض للدلافين !

– دورية سرية تلاحق دولفين في الدائري الشمالي !

– شوهد ( اليخت ) قرب مخرج تسعة ،، بالله شباب اللي يعرف يسوق يخت ..

عاد لما وصلنا الاستراحة تقول محششين كل واحد يقول اللي جاة من البرودكاستز .. ثم اقترحنا نألف شي جديد وكانت هالنتائج :

– بقعة نفط تنتشر في مخرج ٩

– الولايات المتحدة تنسق مع السعودية حول اصلاح حاملة الطائرات USS COOL في الصناعية القديمة !!!! ( افهموها )

– القراصنة الصوماليون يختطفون ناقلة نفط في الدائري الشرقي ..

الجزء الاخر ..

مديري الفلة وكيف رجع لبيتهم … على الرغم من بيتة اقل من ٥ كيلو من موقع العمل .. الا انة استغرق وقت طووويل اكثر من ساعتين  للوصول الى بيتة .. لأن الشوارع من جد غرقانة .. ولأن سيارتة لكزس <<< يحق لة مدير :) المهم انة قال: يوم شفت الوضع موب لي قلت في نفسي مالك الا حل واحد : اوقف سيارتي عند اقرب رصيف .. وفعلا وقفها وركب مع راعي دينا !!! آآهـ لو اني شفتة لا افقع علية من الضحك وافقع علية من الضحك لين تخش موية المظر في حلقي واشرق منها وبقعد افقع عليك من الضحك .. مدير وراكب دينا … وهو يحكي سالفتة بأسلوب طريف وكأنة قاعد يصير الحين ،، يقول كل ماشفت الهندي خايف اضرب بيدي على طبلون الدينا واقولة حرك ، خش ، هذا مايطفى هذا ديزل .. والهندي مسكين يخش ويغامر وفي النهاية السعيدة وصلة لين باب بيتهم ويكفىي انة علم الهندي درس في قبطة الدينا :)

قال لنا بعد قصة راعي البانوراما فل الفل ٢٠١٠ توهق المسكين !! توة شاريها ونشب في نشبة الغرق .. يقولون لة الناس … ياترقا الرصيف وتمخش جنطك ولا ضرر بسيط تصلحة ولا تروح عليك السيارة كلها غررررررق ..! الرجال مسكين دمعتة في عينة بانوراما بأقل شي ٤٠٠ الف ورقا الرصيف ونجا …

الجزء اللي بعدة ،، اعمال بطولية .. شهاب ورائد … من الموظفين ووش صار لهم …

اترككم مع الصور //

لو معك غواصة بتخش هنا ؟؟؟ ما اظن ،،!

الا فية جيب بيخش << حق شهاب ومعة رائد

الا فية جيب بيخش حق شهاب ومعة المعزز رائد <<< اكبر مصيبة في العالم !

الشي الطبيعي اللي بيصير .. بق بق غلووق غغغغ بق بق <<< صوت فورنتشر يغرق

طبيعي جداً ياشهاب

شهاب يقول معكم كيس ولا حبل نحط فية الاغراض

معكم كيس للملفات ؟

الشقردي البطل اخذ الملفات لبر الامان ..

المنقذ ..

الشقردي لازال في الطريق الى بر الامان …

الدورية تحتريك يا بطل .. هع هع

الابطال القباطنة تركوا السفينة ..

في الطريق الى بر الامان ..

كان هنا فورنتشر …!

كان هنا فورنتشر ، وشهاب ، ورائد ..

هذي قصة ٢ من الموظفين ،، اليوم الثاني في الدوام .. انواع السواليف عنهم والضحك عليهم واخذ السواليف منهم ..

المدير العام بكبرة قال اي شي يبغاة شهاب على حسابنا ، ايجار سيارة ، تصليح ، اي شي على حسابنا دام انة انقذ الملفات ..

بس تبغون الصدق ،،، اللي شال الملفات وسبح ما اعرفة ..! ولا ادري من هو ولا ادري من وين جا اصلا !!

في نفس اليوم اللي جا فية المطر وتقعنا اجازة اليوم اللي بعدة ،.، كنت ابي ارسل لمديري البطل ( شكلك بتداوم بكرة بلحالك يبو محمد :) )

ا.هـ مع العذر عن الاخطاء الاملائية ان وجدت .. سأدقق فيما بعد …

Be Sociable, Share!

اكتب تعليق:





:wink: :-| :-x :twisted: :) 8-O :( :roll: :-P :oops: :-o :mrgreen: :lol: :idea: :-D :evil: :cry: 8) :arrow: :-? :?: :!: