تصنيفات

اخر ما كتبت

مدونات

مواقع ومنتديات

منوعات

ارشيفي القديم

٧|٧٢٢ ليس الاطفال وكاميرات الجوال فقط ! وانتِ ايضاً

في هذة الفقرة سأكتب عن صفات بعض المخلوقات الذين لا نرغب في حضورهم الى حفل زفافنا .. اما الاطفال ربما تكوني منهم اذا انطبقت عليك الصفات فآمل هذاك اليوم ان تصرفي نفسك عند زوجك وتقيمي ليله حمراء سعيدة او روحي خذي عمرة او اذهبي للجحيم ان شئتِ او اطلعي للبحر وكلي ذرة او احضري لحفل الزفاف لكن احضري بشكل شفاف لا تثري شغباً ولا تصدري امراً ولا تسوين اي شي يسبب قروشة امممممم لا ما اثق فيك ، رجاءاً لاتحضرين خير شر من الاساس وهو الافضل . الحل الاخير : روحي اي مطعم وتعشي فية وفاتورتك علي*

  • اذا كنتي تحبين تحشرين نفسك في شي ما يخصك ، مثلاً : فستان العروسة موب عاجبك الكتف بابين وتبين تغطينة مالك دخل .
  • الدفوف مدي اذا تطورت وصارت طبول ولا الـ DJ حسب اخر تحديث ، اذا فية نوع معين من الدق او الطرب ما يعجبك مو لازم تحضرين .
  • اذا جت اغنية يغنيها شاب وتسوين قروشة قفولها غيروها ما اسمع ما يصير ، الله يمتحنك اقعدي في بيتكم وش هالغثا الله يصبرك على نفسك .
  • نظام انو ما عجبك شي تقومي تلبسي عبايتك وتحومي حول باب الخروج وتجي ام العروسة وامي عشان ترجعك وتراضيك ، ياشيخة الله يمتحنك مرة ثانية عدم وجودك افضل للجميع .
  • اذا كنتي من النوع اللي يسأل اسآلة كثير ما تخصك ، تتدخلين في خصوصيات غيرك ، انصحك تشتغلي بنفسك افضل لك ، لأن بيتك قزاز والكل عندة حجار .
  • اذا تهمك خصوصيات الاخرين والسواليف اللي مالها سنع فلانة وش سوت وايش قالت وشفتي ايش صار ومالهم حق والمفروض يصير كذا مو كذا ، الله يمتحنك للمرة الثالثة تجارب الناس تختلف ومو لازم تصيرين مركز الكون لازم نمشي على طريقتك وحياتك البائسة .
  • اذا انك قروشة ، ليش جايبين DJ مو فرقة وطقاقات واسئلتك كثيرة .. مالك دخل ، ان شاء الله اجيب ايبود بكيفي مالك دخل

 

معليش اذا اكان الكلام قاسي عليك ، بس والله مليت من النفاق الاجتماعي ، ما اعاد ابغى حياهـ على كيف الناس ، هذي حياتي ، هذا زواجنا على كيفنا ، ما نبغى فية اي شي يكدر البال ، لا تفهمين غلط وان الموضوع نهاية العلاقة وانتهاء المحبة وقيام القيامة ، لا يا سيدتي ، ارغب فقط في ان يمر هذا اليوم بسلام وبطمآنينة وبيسر وسهولة بدون اي قروشة .

 

تخيلي انك في زواج بنتك ، هل ترضين اي من النقاط اعلاة عليكم ؟؟    انتي بس اسألي نفسك هالسؤال واللبيب بالاشارة يفهم .

Be Sociable, Share!

اكتب تعليق:





:wink: :-| :-x :twisted: :) 8-O :( :roll: :-P :oops: :-o :mrgreen: :lol: :idea: :-D :evil: :cry: 8) :arrow: :-? :?: :!: