تصنيفات

اخر ما كتبت

مدونات

مواقع ومنتديات

منوعات

ارشيفي القديم

٩|٧٢٢ راحة البال | Peace of mind

راحة البال ..

بإختصار ..  ( اي شي يوجع راسك اسحب علية )

والتفاصيل :

 

  • سياسة واخبار واستقبل وودع .
  • مقل ٧ مليار مسلم على يد ٧ مليار مسلم اخر
  • ارتفاع سعر النفط وهبوط سعر الذهب
  • سواليف زوجتك عن تفاصيل الزواج ولون العصيرات وطول الكعب وتكاليف الفساتين حقت المهبل توصل ٢٢ الف وقيمة الطقاقة توصل ١٠.٠٠٠ عشان تطق وتناهق وتمشي .
  • فلان يبيع ويشتري سيارات وكل شوي خسران
  • اخوياك في الشبكات الاجتماعية واحدن منهم بثر مثلاً في السناب شات
  • عندك مناسبة والناس ٦٠ الف ذوق ونوع
  • مبلشين ام امك في قروبات العائلة كل شوي اخبار ملفقة وساذجة وتصاميم مخيسة لوردة مكتوب عليها صباح الخير
  • زحمه تسد النفس
  • حمير يسوقون سيارات في الشوارع يلفون عليك ولا يستخدمون الاشارات
  • انتخابات رئيس عمتك امريكا يا كلب ( من جد ترا الوصف مرا كويس يا كلب )
  • حفر ومطبات وتشققات وشوي شارع
  • تولع لمبة البنزين وتمر ٦ محطات ورا بعض مافية بنزين ٩١

 

وش الحل ؟

اي شي مالك يد فية ولا تقدر تسوي شي فية ويصير غصب عليك ، اسحب علية ، بسيطة اسحب علييييييييية وريح مخك . ( مثل السياسة وانتخابات امريكا يا كلب و مقل ٧ مليار مسلم على يد ٧ مليار مسلم  )

 

اي شي تقدر تتحكم فية ، ضبط امورك من بدري ، مثلاً سالفة محطات البنزين لما تولع اللمبة ، عادي قبل ما تولع اللمبة خذ احتياطك وعب فل لا تحد نفسك على وجع الراس ، مثال اخر اعرف اوقات الزحمه واماكنها وتجنبها نهائياً وبتلاقي بديل  ، مناسبة ومحتار تحط بوفية مفتوح ولا مفطحات حط اللي يعجبك وطز في رضى الناس لان رضاهم غاية لا تدرك واذا بتدور رضاهم ما وراك الا الخساير ولا راح ترضيهم ابداً .

 

سواليف زوجتك عن اشياء تافهه فستان بـ ٢٢ الف وطقاقة بـ ١٠ الاف واشياء سخيفة اخرى وانت على المرتبة السابعة او الثامنة راتبك ولا ربع الارقام اللي تقولها زوجتك وتبي تعيش حيات بدون ديون ، وضح لها مرة وحدة فقط ان هالسواليف ما تبي تسمعها نهائياً وانها ما تهمك ابداً ، ان كررت هالسواليف سوف نفسك غير مهتم وسلك يا حبيبي سلللك اممم اييية امممم ولا يخش الكلام اذنك ، تراها بتحس في النهاية وبتسكت ، عادي قاطعها شفتي باسكن روبنز شرايك ناخذ بيض منة ؟ وعيش حياتك وريح بالك .

 

قروبات العائلة والاخبار المزيفة الساذجة والمثيرة للعواطف وتخليهم ينسخون وينشرون انشب لهم على كل خبر وبين انة نصبة وكذب وخبر تافة لين يبطلون ، كل هذا لأنك ماتبي تطلع من القروب .

 

نفس خويك موب لازم تتابعة في تويتر وانستاقرام وسناب شات وفيس بوك ولبنكيد ان ، بالله اذا تبي تتابعة في كل هالاماكن وش تسوي اذا تقابلتوا ؟؟ مافية شي تسولفون فية ،، تقعدون مع جوالاتكم ؟؟

واحدن من اخوياي رهيب لكنة بثر في السناب شات ويحب نشر المعلومات والمعرفة ، يا حبيبي اقعد ربع ساعة عشان موضوعك في السناب ؟؟ لا يا حبي السناب موب كذا يستخدم ابد ، واسحب علي سنابة .

 

الحياة اقصر من انك تشيل هم او تغتم او تشغل نفسك بشي ما يخصك ولا لك يد او رأي فية  … افرررح واسعد نفسك .. كلها كم يوم وكم شهر وكم سنة وتلاقي عمرك ٦٧ .. وفي النهاية :

ستدرك ان اكبر اخطائك أنك كنت تمر على لحظات الفرح مروراً عابراً وتعيش الحزن بكل مشاعرك ، إسعدوا بكل التفاصيل وانشروا الفرح والابتسامة :)

 

Be Sociable, Share!

اكتب تعليق:





:wink: :-| :-x :twisted: :) 8-O :( :roll: :-P :oops: :-o :mrgreen: :lol: :idea: :-D :evil: :cry: 8) :arrow: :-? :?: :!: