تصنيفات

اخر ما كتبت

مدونات

مواقع ومنتديات

منوعات

ارشيفي القديم

مقلب راح ضحيتة كم نفر ..!

 

هع هع من زمان عن المقالب ،، اخر مقلب سويتة كان في البثر ،، ويمكن البعض يذكرة ايام الستايل القديم ،،

المهم ،،

كلمني ابو داحم امس ع المسنجر قال شرايك نروح معرض السيارات وقطع الغيار ٢٠٠٩ ،، قلت اوكي ماعندك المشكلة ،، الوعد بكرة العصر ( اللي هو اليوم يعني ) ،، 

جا العصر ،، دقيت ع البثر اللي اذا كلمتة عشان تقولة سالفة صغيرةتكتشف بعد ما تقفل الخط انك مكلمة اقل شي ٣٦ دقيقة ! سواليفة واااجد ،، ما قلت لكم انة بثر :)

المهم رد علي وقال بيخاويني تعال بعد ٥ دقايق بجيب الكاميرا وورجعت عشان امرة بيتهم ،، وصلت البيت ،، ولطعني حول ٧ دقايق ،،

في هذة الاثناء ابو داحم راح المعرض يجس النبض لانة بينتقل من موقعة الصغير الى موقع آخر اكبر ومحنا عارفين وين المعرض بينهم بالضبط ،،، 

وانا قاعد ملطوع ،، دق علي ابو داحم ،،، هع هع يقول مصعب وينك فية ؟؟ قلت جاي بالطريق

،،، قال خلاص حركت ،، قلت اية ،،،

قال : كم تاريخ اليوم ؟؟؟ قلت ٢١-١١ وش السالفة ؟ وش عندك ؟؟؟ 

قال : المعرض طلع يوم ٢٣-١١ !!

انا جت فوق راسي ذيك العجوز الساحرة اللي بتوم وجيري بالمكنسة تضحك علي !! 

واقولة وش تقوووول انت ؟؟  

قال توني رجعت من المعرض ( قريب مرة من بيتهم ) وطلع عندهم معرض زراعي وشوية حيوانات !!!

اي زراعي ؟؟ وين معرض السيارات اللي تقول ؟؟

يقول : ياخي مدري وش صار يقولون ان المعرض حق السيارات يوم ٢٣-١١ !


المهم ،، بالنسبة لي عادي ،، حصل خير مافية مشكلة لحد الحين ،، 

المشكلة الكبيرة اني قاعد ملطوع ٧ دقايق عند بيت البثر ولايدري وش قاعد يصير في المكالمة بيني وبين ابو داحم !!

طلع البثر من بيتهم ومعة كاميرا احترافية اثقل منة وجاي مرسم ومستب جزمتة – وانتوا بكرامة – وانا قاعد اكلم ابو داحم اقول لة هذا هو طلع من بيتهم الله يعين وش ردة فعلة الحين وش بقول لة !!

ركب السيارة على نهاية المكالمة واتفقت مع ابو داحم يمرني البيت عشان نخلص كم شغلة بدال هالمعرض المقلب ،،

الحين ركب البثر ،،، وانا ابي اقول لة السالفة وخايف تنكسر الكاميرا على راسي ،، قلت لة : بقول لك شي بس ما تمد يدك علي ،، قال عادي والله ما اسوي لك شي <<< طبعاً انا منيب خايف منة عشان يبلشني في ردة الحين ،، بس المثل يقول احذر شر كل شيئ قريب من الارض >>> يعني اي شي اصغر منك احذر منة هع هع ،،

قلت شفت المعرض اللي بنروح لة <<< طبعاً انا حركت السيارة ومشيت ،، المعرض طال عمرك بيفتح بعد بكرة والرجال اللي علمني الظاهر انة ماقرا وقتة زين .. طبعاً البثر كعادتة الحلوة مسك راسة وقعد يضحك وفطس ضحك وانا اضحك على ضحكة وقلت منتب لحالك اللي مشى عليك المقلب ،، انا وابو داحم ومحمد بن عبد العزيز << موب الامير ،، واحدن سلنتوح مع رنج ،، ولازال فاقع ضحك ،،

هو وعصيرة الداناو ،، يبي يكبر بأي طريقة مصدق الاعلانات ،، <<< واقول لك لا تترك العلبة بسيارتي يا بثر ومخليها بالسيارة ،،

صارت سواليف كثيرة في السيارة مع البثر ،، بس ما ابي اكتبها ،، لان فية وحده منها ضدي ومو معقول افضح نفسي في موقعي ،، الا اذا كان البثر بيكتبها بنفسة ،، 


هذا اللي صار اليوم ،،، رجعت البيت ،،، لقيت ابو داحم حط رد ع المسنجر ( يلعن ابو المصدر على ابوة ،، انجرينا على وجيهنا ) خخخخخخ 

 

 

Be Sociable, Share!

التعليقات


اسم المعلق: ACCORD i-VTEC – ابو داحم
22 نوفمبر 2008, 11:10 م

ااااااهـ يا زمن .. ما عاد في الزمان مصادر .. كل مصدر يجر بالثاني <<< احم .. احم صح السانك

يارجال كلها بكره وانا اللي ناشب بالسكرتي واخذ علوم المعرض

بالكامل …

بس البثر .. طالع صحفي هو وخشته .. كانه غازي القصيبي << يلعن ام التشبيه

المهم رحله طريفه وعشا اطرف على الرصيف ودق في الهمبرقر اللي انغشينا فيها … هعهعهعهع

دمت بود


اسم المعلق: مستر بوقس البثر .. CIVICORD
23 نوفمبر 2008, 12:00 ص

ههههههههههههههههههههههههههه

دحيم لا تسوي شايفني يالنصاب .. يلله ما عليه ..

المرة الجاية باطلع بموتري عشان ما يتفلت علي ناقدنا مصعب الأحمدي ..

وباذن الله لو طلع مقلب الفقها بتقرير لهوندا .. Jazz + تجربة قيادة .. هع هع


اسم المعلق: فهووودي الجداوي
23 نوفمبر 2008, 6:05 ص

هع هع هع …. والله إنكم منسمين …..

صعوبي … إن شاء الله طالع لكم بعد الحج …. لازم نتقابل وتوثق هذاك اليوم هنا بالمدونه وتكتب إسمي <<< موسوعه جينيس


اسم المعلق: MoSaB
23 نوفمبر 2008, 12:48 م

اوووة يبو داحم !!

نسيت اكمل السالفة الطويلة العريضة ،،
حاول تكتبها :) بس الكشتة اللي بحي شبرا بشارع التسالي … هع هع منزلين الفرشة وفارشينها في برحة جوة حارة !!
لورنس الفاصل بكبرة الفاقد ماسوا مثلنا ،،، يلعن ام ذا النظام يلعن ام ذا النظام <<< هع هع هع ،، كلة من افكار مستر (كنج) خييييخ مستر بوقس البثر هلا بالبثر ، هلا بأبثر مخلوق شفتة بحياتي بعد سلاحفي الله يذكرهم بالخير .. بالله ما حصلت اسم ازين من مستر بوقس ؟؟ ولا اقول ،، تبي الصدق ،، فية شبة خفيف ،، هع هع بتطلع بموترك المرة الجاية ،، شف الخيانة كيف ،، هذا اللي كان يقول ( صلاه الجماعة خير من صلاة الفرد ) يوم يكلمني ،، يعني خل نطلع سوا !! والحين ،، !! وت هبن ؟ هع هع بتروح تجرب الجاز وتصورها ،، والله فعلا انا قلت لك انة شي غبي تقول لأهلك بروح معرض وتاخذ الكاميرا وترسم ومدري ايش ،، وخلال ٧ دقايق ترجع لهم البيت مرة ثانية تقول لهم مافية معرض ، طلع مقلب ،، اسبوووع كامل يحشون فيك خخخخ فهووودي الجداوي ،، حيااااااك الله ،، جاي عشان نفس السالفة ولا نفس السالفة ولا نفس السالفة ؟؟ لأني متأكد الرياض مافيها شي يستاهل ،،! اية ماعليك ،، ابكتب اسمك ،،<<< هذي الناس اللي تقدر ، موب واحد يقولي مصعب الاحمدي !!


اسم المعلق: King
23 نوفمبر 2008, 1:48 م

خخخخخخ

وأزيد على سالفتك يوم بغيت تسوي حلفه بالببسي حق داحم

بس مثل ماقلت أمه داعيت له بخير ( واااجد )

ولا كان صارت نوافير ببسي

____

أمس جالس أضحك عقب مارجعت البيت

يوم طلبت همبرجر << أفهموها زي ماتبون

وطلع عادي أحس أنك شوي وتفلم بالهندي إلى سواها :)


اسم المعلق: ACCORD i-VTEC – ابو داحم
23 نوفمبر 2008, 3:51 م

انا اوريك يا معصوبي اجل تبون تسوون فيني مقلب في البيبسي
وانا اسمع من بعييييييييييد دوف ديف داف طراااااااااااخ طريييييييييخ طرووووووووووخ .. واقول شسالفه العيال مسوين حفريات .. طلع في النهايه خض هالبيبسي عشان يرش علي .. طيب طيب مصيرك مصيرك


اسم المعلق: MOMO
23 نوفمبر 2008, 8:16 م

ههههههههههههه احلى مقلب بس تراك انجريت قبله ههههههههه

الا غريبه معاذ ما قال من وين انتم
هههههههههههههههههههههههههههههههههههههههههههههه

متى المعرض؟ ووين علموني ودي اروح


اسم المعلق: تويتي
26 نوفمبر 2008, 1:50 م

هههههههههههههههههههههههههههههه
الله يرجك لين تطيش انت واخاويااااك ماتعرف تصااااااادق
عن قولتك عيااااااال نيدووووو
خييييييييييييييخ خيييييييييييييييييييييييخ


اسم المعلق: King
2 ديسمبر 2008, 5:14 م

MoMo

تصدق ماقد شفتك

وانت تعرف أسمي

كيف تجي ذي

;)

– – – – –

وسالفه المعرض

طلع بالآخير مافيه معرض ولا يحزنون

اكتب تعليق:





:wink: :-| :-x :twisted: :) 8-O :( :roll: :-P :oops: :-o :mrgreen: :lol: :idea: :-D :evil: :cry: 8) :arrow: :-? :?: :!: