تصنيفات

اخر ما كتبت

مدونات

مواقع ومنتديات

منوعات

ارشيفي القديم

لا يازمن .. وش باقي أكثر ماخذيت ..

كذا جا العنوان .. جا بسرعة وكتبتة ..

اما الموضوع .. ففي خاطري اكتبة من اكثر شهر تقريباً ..

وداعية .. يا اول حب جمعنا وداعية ..

كنت اعشق عروس البحر الاحمر -سابقاً- اما الان محالٌ ان تسمى بغير عجوز البحر الاحمر ..

كنت اعشقها في طفولتي حيث ولدت فيها ولكني نشأت في الرياض ..

كنت احفظ في صغري بيت شِعر وجدتة في مجلة ( اهلاً وسهلا ) اللتي توزع في طائرات الخطوط السعودية .. هذا بيت الشعر //

( احبك يابلادي ولستِ بخيرها — ففي غيرك الازهار والانهار والفتن )

( ولكنك الاغلى فأنت حبيبتي — وانتِ لي التاريخ والاهل والوطن )

كان خوالى يسألوني لما كنا نجيهم وتونا صغار في الابتدائي هذا السؤال وش تحبون اكثر الرياض ولا جدة .. !

كنت دايم في طقاق مع اخوي الكبير وائل دائماً المولود بالرياض كان يقول لي ياجداوي .. واقول لة يابدوي ..! ودايم طقاق جدة احسن .. الرياض احسن .. ويازينة من طقاق وكان اكبر هَمنا وش احسن ..!

ذكريات قبل ما نشتري السياكل هناك ( لحظة ..! مكان عندي سيكل هناك بس كنت استولي على سيكل واحد من عيال خالي ) كنا نروح لـ ( ميد ) مشياً على الاقدام .. ونشتري قهوة تركية .. وكانت شي عظيييم على وقتها ..

ثم بعدها جت السياكل وانواع الفرفرة .. والحادث الاليم .. عماد وغسان وهاشم .. خخخخ صدموا في بعض وصارت اصابات .. واياد نجى بإعجوبة..

وجت السيارة .. اول واحد غسان .. وتطور الموضوع وصار عشا بدال قهوة وبس .. برقر ميكي .. ماكدونالدز .. وفطور في الصباح بعد الفجر …

صرنا بعد كذا كل واحد معة سيارة .. وجا مع السيارة الركود … وهكذا الحياة … الحين نفس الشغلة قاعدة تصير لجيل الصغار ولعلهم وصلو مرحلة السياكل ..

وحنا يالله نجتمع في فطور .. وهذا هاشم وصل امريكا ،، وبيتبعة غسان قريباً ان شاء الله وقريباً كل جيلي بإذن الله …

كنا مع خوالي نجتمع كل اربعاء .. يوم كنا صغار نلعب في الزر السليق وملاعق بلاستيك .. وخذلك مقاليع ورز ماشي مليون في الفاهي اللي قدامك ..

امممم مع الاسف .. لم يعد هناك اربعاء كما كان بحلاوتة سابقاً .. لأسباب كثيرة .. من اهمها ان اغلب خوالي اصبحوا اجداداً .. ولديهم احفاد .. فكل واحد منهم يريد ان يجتمع مع احفادة وابنائة وبناتة .. في مكان واحد ..

حسناً ولكنكم يا خوالي لاتزالون اخوة … ابيكم – جدي علي حفظة الله – لازال على قيد الحياة .. هو ايضاً يفرح .. هو ايضاً يريد ان يجتمع مع ابنائة وبناتة وأحفادة واحفاد احفادة …

ربما ولا ابالغ .. لم يجتمع خوالي كلهم وخالاتي في السنتين الماضيين كلهم في مكان واحد ..! لا بد ان نفقد احدهم ..

بما انني بعيد دائماً هنا في الرياض .. واسمع والدتي في الهاتف تحادث احدى اخواتها ان تفعل كذا وكذا ووش قالت فلانة واللي ما تستحي وش قالت .. ومن هالسواليف الطفولية البايخة ..

ايقنت ان هناك مشكلة ما سببت هذا كلة .. فمن بعدها لم نعد نجتمع … وان اجتمعنا فيوجد نقص … وان اجتمعوا كلهم فالجو متكهرب ..

طيب مصعب وش سوا ؟؟

– ما اهتميت في المشكلة ولا في الموضوع ولا حتى حاولت اعرف وش الاسباب .

– اروح هناك اسلم عليهم كلهم بنفس الطريقة ونفس السؤال ونفس كل شي ..

– عرفت فيما بعد الاطراف في المشكلة .. لم اتغير ابداً ولم احاز الى احدهم دون الاخر والسبب بسيط : هل المشكلة بيني وبين واحد منهم ولا بينهم هم ؟؟ لماذا انحاز الى احدهم واترك الاخر وانا لاناقة في في السالفة ولا جمل ..!  اللي قاهرني اننا اول كنا نجتمع في مكان واحد والحين اقعد امشور بين بيوتهم عشان اسلم عليهم واحد واحد ..

في آخر عزيمة .. حدث شيئ مؤسف تمنيت انني لم اكن موجوداً لأراة بعيني .. // مما رأيت //

الكبار ممن اعمارة قاربت الخمسين حدثت بينهم مشاحنة لسانية .. ومد للأيدي ..!

احدهم في مثل عمري اخذ عقالة ويقال لة بيضرب آحد خوالي اللي عمرة بالخمسين ..!

اخو احدهم المذكور سابقاً اصغر من بكثير يقال لة بيروح يمد يدة على احد خوالي ..!

في هذة الاثناء تنزل خالتي شفاها الله من بينهم وتراهم .. ترا ابنائها يحاولون الدفاع عن ابيهم لكن بطريقة جداً خاطئة وغبية جداً وهي انهم يمدون ايديهم على خوالهم ..! طيب يآ اوادم خوالهم يعني اخوان امكم …! شلون تدافع عن ابوك وتضر امك ؟؟ … تنزل خالتي الى سيارة زوجها مكسور واسمعها تقول لاحوال ولا قوة الا بالله ونظرت لهم كاسفة وحزينة من هذا الحال ..  ركبت خالتي السيارة .. ركبنا زوجها معها للسيارة .. وكذلك ابنائهم .. وياجماعة اكسروا الشر ،، وحزا الله كل خير من ساهم في فك هذا النزاع بأسرع وقت ..

ما امداهم يحركون الا ويجتعون خوالي على خالي صاحب العزيمة .. ليش تعزمة وليش وليش والله اشوف فوق كل واحد شيطاان احمر معة شوكة .. وانا اناظر فيهم .. واتحسف على ايام زمان ..

ركبت سيارتي … تركتهم .. رحت البحر .. اللي يسمعك ولا يمل .. مكسور الخاطر من اللي شفتة .. الا مصدوم صدمة تريلا محملة قطع غيار ..! وش اللي صار وليش وصلو كذا …!

رحت البحر .. عندي حظ رهيب مع الاغاني ،، جت اغنية البرواز اول شي .. ثم بعدها اغنية المعاناة .. لحظة خلونهم اسمهم ملحمة البرواز وملحمة المعاناة // ابيات الشعر اللي فيهم لا توصف .. وانا اسمعهم .. كانت نفسي تحدثني بأن قدمي لا تطأ جدة مرة اخرى …

حبيبتي لأجل أنسى جرحك واستريح
بأبكي .. وبعد البكى بأبكي
واكيد في لحظة بتجي وبيجف دمعي
وعندها صورتك اللي في عيوني
بتعاف برواز الضمى
بتصير صحرا وهو سما
بتمرني الدمعة الأخيرة
تاخذ معاها صورتك وتطيح
وكني بهالدمعة سكين جرحها وجهي
وكني بالمسافة تطول ما بين عيني ودمعتي وخدي
وكني بقلب الحاير المسكين نبضه يقول
لا تودع الفرقى .. الدمع ما يرقى
وعندها لا نزلت الدمعة من الجرح الأخير
وفارقت وجهي أنا
بغمض عيوني وأكسر البرواز
وأكيد بنسى .. اكييييد أبنسى …

أعاني الساعة و أعاني مسافات
و أعاني رياح الزمان العتية
و أصور معاناتي حروف وأبيات
يلقى بها راعي الولع جاذبية
و لاني بندمان على كل ما فات
أخذت من حلو الزمان و رديه
هذي حياتي عشتها كيف ما جات
آخذ من أيامي و أرد العطية

 

اشياء غبية تحدث لدينا يارجل …!

Be Sociable, Share!

التعليقات


اسم المعلق: Mo$aB
9 يونيو 2011, 4:36 م

من اكثر الاشياء اللي قهرتني في الموضوع .. هو مبدأ تصدير الثورة ..!
المشكلة التي تحدث عنها اعلاة حدثت في تقريباً ٣ اشخاص من الجيل القديم ( عمرهم بال ٥٠ وعليها ) …
طيب وش ذنب الاجيال اللي بعدكم ( ابناكم من هم في سن ٢٦ مثلاً واحفادكم من هم في سن الـ ٤ مثلا؟ ) ..
ليش تصرون انهم يخشون معكم في مشاكلكم وتصرفاتكم؟؟
– لاتزورونهم .. لا تسلمون عليهم .. اذا اتصلوا ويبغوننا احنا طالعين برا ولا نايمين ..

قال غفر الله لة :wink:

كنت في امريكا العام الماضي ، زرت احد المنظمات العالمية ، مهمة هذة المنظمة العالمية هم البحث عن المناطق التي فيها اشتباكات او حروب بين طرفين او قبيلتين او دولتين ، يجمعون الاطفال من كل الاطراف .. ليعيشوا سوية ، ويأكلوا سوية ، ويلعبو سوية ، ويدرسوا معاً ويتعلموا معاً …. بعيداً جداً عن حروب آبائهم .. حتى اذا ماتوا ابائهم في حربهم لوحدهم (قبل ان يكتب لهم الاصطلاح) .. عاش هؤلاء الاطفال حياة جديدة سعيدة بعيداً عن وجع الراس اللي كانوا عايشين في آبائهم (ومشاكل آبائهم تموت معهم ، ويبدأ عصر محبة وإخاء جديد بين الابناء )..


اسم المعلق: أسيرة الأحزان
7 أغسطس 2011, 10:30 م

الله يهديك ويهدي خيلانك وألف بين قلوبهم :cry:
والله الاغنيه مرره حلوه كلماتها في الظروف الي انت عايش فيها
وشكرا على وفائك بالوعد ماقصرت ..!

اكتب تعليق:





:wink: :-| :-x :twisted: :) 8-O :( :roll: :-P :oops: :-o :mrgreen: :lol: :idea: :-D :evil: :cry: 8) :arrow: :-? :?: :!: